Kopengagendagi Xitoy elchixonasi Daniyaning Jyllands-Posten nashri Xitoyda tarqalgan yangi virus haqidagi karikaturani e’lon qilgani uchun kechirim so‘rashini talab qildi. Bu haqda Daniyaning Politiken nashri xabar bergan.
Koronavirus haqidagi karikatura Jyllands-Posten’ning 27-yanvar, dushanba kungi sonida chop etilgan. Suratda Xitoy bayrog‘idagi yulduzlar o‘rnida virusning bo‘laklari tasvirlangan. Elchixonaning ma’lum qilishicha, “karikatura so‘z erkinligining axloqiy me’yorlariga zid keladi”, “nashr ushbu surat orqali Xitoyni haqorat qilgan va mamlakat xalqini qattiq ranjitgan”.
Karikatura muallifi rassom Nils Bo Boysen, elchixona uning ham kechirim so‘rashini talab qilgan, karikaturachi ushbu so‘rovni javobsiz qoldirgan.
Jyllands-Posten muharriri Yakob Nibro Daniyaning TV 2 telekanaliga bergan intervyusida Xitoyni haqoratlab, xitoyliklarni ranjitish niyati bo‘lmaganini bildirgan. Biroq u kechirim so‘rash va karikaturani olib tashlashni istamagan, unda yomon narsani ko‘rmayotganligini qayd etgan.
“Ushbu surat boshqa karikaturalardan farqli ravishda butun dunyoda bo‘layotgan hodisalardan darak bermoqda”, — degan Nibro.
Mavzuga doir:
Saudiya Arabistoni, Liviya va yana bir nechta musulmon davlatlar Daniyadan elchilarini chaqirib olib, ushbu mamlakat tovarlariga taqiq qo‘ygan. Daniya ham xavfsizlik nuqtayi nazaridan Suriya, Pokiston va Indoneziyadagi elchixonalarini yopgan. “Tolibon” harakati karikatura muallifini o‘ldirgan kishiga mukofot berishini e’lon qilgan.
2006-yil yanvarida Jyllands-Posten e’lon qilingan surat uchun uzr so‘ragan. Ammo bu vaqtga kelib, karikaturani g‘arbda boshqa OAVlar ham e’lon qila boshladi. Fransiyaning Charlie Hebdo satirik jurnali ham ular orasida edi. 2015-yilda ushbu harakat uchun jurnal tahririyati binosiga terakt uyushtirilgan va 12 nafar odam halok bo‘lgan.
Izoh (0)