Prezident Shavkat Mirziyoyev 28-yanvar, seshanba kuni turizmni rivojlantirish, jismoniy tarbiya va sportni yanada ommalashtirish masalalari bo‘yicha yig‘ilish o‘tkazdi. Unda, jumladan, madaniyat turizmi haqida ham so‘z bordi.
Qayd etilishicha, 2019-yili xorijiy kinokompaniyalar tomonidan O‘zbekistonda 1,6 million dollarlik oltita badiiy film suratga olingan.
“Shunda xarajatlarning bir qismini O‘zbekiston tomonidan qoplash tizimi yo‘lga qo‘yilsa, bu madaniyat turizmi rivojiga katta turtki berishi bilan birga o‘lkamizning xalqaro maydonda targ‘ibotiga ham hissa qo‘shadi”, — deyiladi Prezident matbuot xizmati axborotida.
Yig‘ilishda “O‘zbekkino” milliy agentligiga xorijiy kinokompaniyalar bilan hamkorlikni rivojlantirish, O‘zbekistonda suratga olish mexanizmlarini joriy etish yuzasidan topshiriqlar berilgan.
Izoh (0)