O‘zbekiston samolyotlari va poyezdlarida xizmat ko‘rsatish sifati pastligi, chiptalar narxining yuqoriligi yo‘lovchilarning asosli e’tirozlariga sabab bo‘lmoqda. Bu haqda Prezident Shavkat Mirziyoyev raisligida turizmni rivojlantirish masalalari bo‘yicha 28-yanvar, seshanba kuni o‘tkazilgan yig‘ilishda qayd etib o‘tildi.
“Oqibatda ko‘pchilik xorijiy tashuvchilar xizmatini tanlamoqda. Temir yo‘l va avia yo‘nalishlarimiz keng qamrovli va raqobatbardosh emasligi ko‘rsatib o‘tildi”, — deya ta’kidlanadi yig‘ilish yakunlari bo‘yicha Prezident matbuot xizmati tomonidan e’lon qilingan rasmiy axborotda.
Yig‘ilishda Transport vazirligi va Turizmni rivojlantirish davlat qo‘mitasiga O‘zbekistonning to‘rtta — Buxoro, Qarshi, Nukus va Termiz aeroportlarida joriy etilgan “ochiq osmon” rejimidan to‘liq foydalanish, yangi aviayo‘nalishlar ochish, tezyurar poyezdlar sonini ko‘paytirish, chiptalar narxini arzonlashtirish bo‘yicha ko‘rsatmalar berilgan.
Izoh (0)