Президент Шавкат Мирзиёев 28 январь, сешанба куни туризмни ривожлантириш, жисмоний тарбия ва спортни янада оммалаштириш масалалари бўйича йиғилиш ўтказди. Унда, жумладан, маданият туризми ҳақида ҳам сўз борди.
Қайд этилишича, 2019 йили хорижий кинокомпаниялар томонидан Ўзбекистонда 1,6 миллион долларлик олтита бадиий фильм суратга олинган.
«Шунда харажатларнинг бир қисмини Ўзбекистон томонидан қоплаш тизими йўлга қўйилса, бу маданият туризми ривожига катта туртки бериши билан бирга ўлкамизнинг халқаро майдонда тарғиботига ҳам ҳисса қўшади», — дейилади Президент матбуот хизмати ахборотида.
Йиғилишда «Ўзбеккино» миллий агентлигига хорижий кинокомпаниялар билан ҳамкорликни ривожлантириш, Ўзбекистонда суратга олиш механизмларини жорий этиш юзасидан топшириқлар берилган.
Изоҳ (0)