Futbol bo‘yicha Angliya Premyer ligasining 24-turi doirasida 21-yanvar, seshanba kuni 6 ta uchrashuv bo‘lib o‘tdi.
Xosep Gvardiola qo‘l ostidagi “Manchester Siti” mehmonda “Sheffild Yunayted”ga qarshi maydonga tushdi.
Bellashuvdagi yagona gol 73-daqiqada urildi. Unga “shaharliklar” hujumchisi Serxio Aguero mualliflik qildi.
Uchrashuv yakuniga ko‘ra, “mankunianlar” safarda kechgan bahsda “Sheffild Yunayted”ni kichik 1:0 hisobida mag‘lub etdi va muhim 3 ochkoga ega bo‘ldi.
Mazkur g‘alabadan so‘ng musobaqa jadvalida 2-o‘rinda borayotgan “Siti” ochkolari sonini 51 taga yetkazdi. “Sheffild Yunayted” esa 33 ochko bilan 7-o‘rinni egallab turibdi.
Shu kuni turning markaziy o‘yinida Londonning ikki klubi — “Chelsi” hamda “Arsenal” o‘zaro bahs olib bordi.
O‘yinning 28-daqiqasida “to‘pchilar” himoyachisi David Luiz o‘z jarima maydoni ichkarisida “aristokratlar” hujumchisi Temmi Abrahamga nisbatan ishlatgan qo‘polligi uchun hakam tomonidan qizil kartochka bilan jazolandi va “Arsenal” darvozasi tomon penalti belgilandi. Undan “ko‘klar” yarim himoyachisi Jorjinyo unumli foydalanib, hisobni ochdi (1:0). 63-daqiqaga kelib mehmon jamoa vakili Gabriel Martinelli hisobni tenglashtirdi (1:1). 84-daqiqada esa ispaniyalik Sesar Aspilikueta maydon egalarini hisobda oldinga olib chiqdi. Oradan 3 daqiqa o‘tib “Arsenal” a’zosi Ektor Belyerin Kepa Arrisabalaga qo‘riqlayotgan darvozaga to‘pni joylab qo‘ydi (2:2).
Shu tariqa bahs 2:2 hisobidagi durang natija bilan yakunlandi va tomonlar bir ochkodan bo‘lishib oldi.
Ma’lumot uchun, “Chelsi” 40 ochko jamg‘argan holda musobaqa jadvalida 4-o‘rinni band qilib turibdi. Mikel Arteta shogirdlari esa 30 ochko bilan 10-o‘ringa ko‘tarilib oldi.
APL
24-tur bahslari
21-yanvar, seshanba
“Aston Villa”—“Uotford” 2:1
Gollar: 0:1 — 38 Dini, 1:1 — 68 Duglas Luis, 2:1 — 90 Mingz“Bornmut”—“Brayton” 3:1
Gollar: 1:0 — 36 Uilson, 2:0 — 41, avtogol Gross, 3:0 — 74 Uilson, 3:1 — 81 Muy“Everton”—“Nyukasl” 2:2
Gollar: 1:0 — 30 Kin, 2:0 — 54 Kelvert-Lyuin, 2:1 — 90 Lejen, 2:2 — 90 Lejen“Sheffild Yunayted”—“Manchester Siti” 0:1
Gol: 0:1 — 73 Aguero“Kristal Pelas”—“Sauthempton” 0:2
Gollar: 0:1 — 22 Redmond, 0:2 — 48 Armstrong“Chelsi”—“Arsenal” 2:2
Gollar: 1:0 — 28, penalti Jorjinyo, 1:1 — 63 Martinelli, 2:1 — 84 Aspilikueta, 2:2 — 87 BelyerinYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)