Футбол бўйича Англия Премьер лигасининг 24-тури доирасида 21 январь, сешанба куни 6 та учрашув бўлиб ўтди.
Хосеп Гвардиола қўл остидаги «Манчестер Сити» меҳмонда «Шеффилд Юнайтед»га қарши майдонга тушди.
Беллашувдаги ягона гол 73-дақиқада урилди. Унга «шаҳарликлар» ҳужумчиси Серхио Агуэро муаллифлик қилди.
Учрашув якунига кўра, «манкунианлар» сафарда кечган баҳсда «Шеффилд Юнайтед»ни кичик 1:0 ҳисобида мағлуб этди ва муҳим 3 очкога эга бўлди.
Мазкур ғалабадан сўнг мусобақа жадвалида 2-ўринда бораётган «Сити» очколари сонини 51 тага етказди. «Шеффилд Юнайтед» эса 33 очко билан 7-ўринни эгаллаб турибди.
Шу куни турнинг марказий ўйинида Лондоннинг икки клуби — «Челси» ҳамда «Арсенал» ўзаро баҳс олиб борди.
Ўйиннинг 28-дақиқасида «тўпчилар» ҳимоячиси Давид Луиз ўз жарима майдони ичкарисида «аристократлар» ҳужумчиси Тэмми Абраҳамга нисбатан ишлатган қўполлиги учун ҳакам томонидан қизил карточка билан жазоланди ва «Арсенал» дарвозаси томон пенальти белгиланди. Ундан «кўклар» ярим ҳимоячиси Жоржиньо унумли фойдаланиб, ҳисобни очди (1:0). 63-дақиқага келиб меҳмон жамоа вакили Габриэль Мартинелли ҳисобни тенглаштирди (1:1). 84-дақиқада эса испаниялик Сесар Аспиликуэта майдон эгаларини ҳисобда олдинга олиб чиқди. Орадан 3 дақиқа ўтиб «Арсенал» аъзоси Эктор Бельерин Кепа Аррисабалага қўриқлаётган дарвозага тўпни жойлаб қўйди (2:2).
Шу тариқа баҳс 2:2 ҳисобидаги дуранг натижа билан якунланди ва томонлар бир очкодан бўлишиб олди.
Маълумот учун, «Челси» 40 очко жамғарган ҳолда мусобақа жадвалида 4-ўринни банд қилиб турибди. Микель Артета шогирдлари эса 30 очко билан 10-ўринга кўтарилиб олди.
АПЛ
24-тур баҳслари
21 январь, сешанба
«Астон Вилла»—«Уотфорд» 2:1
Голлар: 0:1 — 38 Дини, 1:1 — 68 Дуглас Луис, 2:1 — 90 Мингз«Борнмут»—«Брайтон» 3:1
Голлар: 1:0 — 36 Уилсон, 2:0 — 41, автогол Гросс, 3:0 — 74 Уилсон, 3:1 — 81 Муй«Эвертон»—«Ньюкасл» 2:2
Голлар: 1:0 — 30 Кин, 2:0 — 54 Кэлверт-Льюин, 2:1 — 90 Лежен, 2:2 — 90 Лежен«Шеффилд Юнайтед»—«Манчестер Сити» 0:1
Гол: 0:1 — 73 Агуэро«Кристал Пэлас»—«Саутҳэмптон» 0:2
Голлар: 0:1 — 22 Редмонд, 0:2 — 48 Армстронг«Челси»—«Арсенал» 2:2
Голлар: 1:0 — 28, пенальти Жоржиньо, 1:1 — 63 Мартинелли, 2:1 — 84 Аспиликуэта, 2:2 — 87 БельеринЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)