Germaniya kansleri Angela Merkel, Fransiya prezidenti Emmanuel Makron va Buyuk Britaniya bosh vaziri Boris Jonson Iroqda eronlik general Qosim Sulaymoniy o‘ldirilganidan so‘ng, qo‘shma bayonot bilan chiqdi, deb xabar beradi “Kommersant”.
Ular Eronni yadroviy dastur bo‘yicha “Birgalikdagi harakatlar rejasi”ga rioya qilishga chaqirdi va Sulaymoniyning harakatlaridan xavotirda bo‘lganliklarini bildirdi.
“Biz Eronni zo‘ravonliklardan va ularni qo‘llab-quvvatlashdan tiyilishga, shuningdek, ‘Birgalikdagi harakatlar rejasi’ga mos kelmaydigan harakatlarni amalga oshirmaslikka chaqiramiz”, — deyiladi bayonotda.
Uchala mamlakat yetakchilarining ta’kidlashicha, ular Eronning mintaqadagi “salbiy rolidan tashvishda” bo‘lgan, ayniqsa, Eron Islom inqilobi muhofizlari korpusi (IIMK)ning “Al-Quds” maxsus bo‘linmasi qo‘mondoni general-mayor Qosim Sulaymoniyning harakatlaridan.
Bundan tashqari mamlakat yetakchilari o‘zlarining qo‘shma bayonoti orqali Iroqni IShIDga qarshi koalitsiyani qo‘llab-quvvatlashga chaqirgan.
Mavzuga doir: Eron tashqi ishlar vaziri general Sulaymoniyning AQSh tomonidan o‘ldirilishini terrorchilik harakati deb atadi
Izoh (0)