AQSh prezidenti Donald Tramp Iroqqa nisbatan jiddiy sanksiyalar qo‘llash bilan tahdid qildi. Uning so‘zlariga ko‘ra, mazkur sanksiyalar oldida “Eronga qo‘llanilgan sanksiyalar juda maydadek ko‘rinib qoladi”, deb xabar berdi “Kommersant”.
Trampning aytishicha, amerikalik harbiylar Iroq mamlakatda qurilgan aviabaza uchun pullarni to‘lamagunicha hech qayerga chiqib ketmaydi.
“Bizga nisbatan dushmanlik holati paydo bo‘lsa yoki biz nomaqbul deb topgan harakatlarni amalga oshirsa, Iroqqa nisbatan sanksiyalar joriy etamiz… Bu kabi sanksiyalarini ular hech qachon ko‘rmagan, Eron sanksiyalari buning oldida shunchaki mayda”, — deydi Tramp.
Uning so‘zlariga ko‘ra, amerikalik harbiylar Iroq AQSh tomonidan qurilgan aviabaza uchun ketgan pullarni qaytarmas ekan, mamlakatdan chiqmaydi. “U yerda judda qimmat aviabazamiz bor. Uni qurishga milliardlab dollar ketgan. Menga kelgunimga qadar. Pulini to‘lashmas ekan, biz ketmaymiz”, — deydi AQSh prezidenti.
Eron prezidenti Xasan Ruhoniy Iroq prezidenti bilan telefon orqali suhbatda, mamlakatdan xorij qo‘shinlarini chiqarib yuborish, mintaqada barqarorlikni ta’minlash yo‘lida muhim qadam bo‘lishini bildirgan.
Mavzuga doir: AQSh va Eron o‘rtasidagi urush muqarrarmi?
Izoh (0)