Германия канцлери Ангела Меркель, Франция президенти Эммануэл Макрон ва Буюк Британия бош вазири Борис Жонсон Ироқда эронлик генерал Қосим Сулаймоний ўлдирилганидан сўнг, қўшма баёнот билан чиқди, деб хабар беради «Коммерсантъ».
Улар Эронни ядровий дастур бўйича «Биргаликдаги ҳаракатлар режаси»га риоя қилишга чақирди ва Сулаймонийнинг ҳаракатларидан хавотирда бўлганликларини билдирди.
«Биз Эронни зўравонликлардан ва уларни қўллаб-қувватлашдан тийилишга, шунингдек, ‘Биргаликдаги ҳаракатлар режаси’га мос келмайдиган ҳаракатларни амалга оширмасликка чақирамиз», — дейилади баёнотда.
Учала мамлакат етакчиларининг таъкидлашича, улар Эроннинг минтақадаги «салбий ролидан ташвишда» бўлган, айниқса, Эрон Ислом инқилоби муҳофизлари корпуси (ИИМК)нинг «Ал-Қудс» махсус бўлинмаси қўмондони генерал майор Қосим Сулаймонийнинг ҳаракатларидан.
Бундан ташқари мамлакат етакчилари ўзларининг қўшма баёноти орқали Ироқни ИШИДга қарши коалицияни қўллаб-қувватлашга чақирган.
Мавзуга доир: Эрон ташқи ишлар вазири генерал Сулаймонийнинг АҚШ томонидан ўлдирилишини террорчилик ҳаракати деб атади
Изоҳ (0)