Xorazm viloyati ruhiy kasalliklar dispanserida davolanishda bo‘lgan bloger Nafosat (Shabnam) Olloshukurova Toshkentning Yunusobod tumanidagi uyiga qaytmoqda. Bu haqda O‘zbekiston inson huquqlari “Ezgulik” jamiyati faoli Abdurahmon Tashanov ma’lum qildi.
“Bugun (28-dekabr kuni) ruhiy kasalliklar shifoxonasida o‘tkazilgan tibbiy ekspertiza uning salomatligi yaxshilangan, deb topgan va bloger Yangi yil bayramini ota-onasi va jajji qizaloqlari bilan birga kutib oladi”, — deb yozdi Abdurahmon Tashanov.
Nafosat Olloshukurova “Toshkentga yurish”dan so‘ng, 26-sentabr kuni sud qaroriga asosan Xorazm viloyatining psixologik kasalliklar dispanserida majburiy davolanishga joylashtirilgan edi. Ombudsman monitoring guruhi 21-oktabr kuni u bilan uchrashgan edi.
28-noyabrda esa fuqarolik ishlari bo‘yicha Xorazm viloyati sudining kassatsiya instansiyasi Olloshukurova ruhiy kasalliklar shifoxonasida davolanishni davom ettirish yuzasidan qaror chiqargan edi.
Izoh (0)