Surxondaryodagi saylov uchastkalarining birida Saylov kodeksi talablari buzilgani haqidagi “Daryo”da e’lon qilingan xabarga 78-Termiz saylov okrug komissiyasi munosabat bildirdi.
Mavzuga doir: Surxondaryodagi saylov uchastkalarining birida Saylov kodeksi talablari buzilgani aniqlandi
Ma’lumki, Saylov kodeksining 10-moddasida saylov uchastkalari saylovga kamida 60 qolganida tuzilishi, 23-moddasida esa uchastka saylov komissiyasi saylovga kamida 40 qolganida tuzilishi belgilab qo‘yilgan.Shunga muvofiq, 78-sonli Termiz saylov okrug komissiyasining 2019-yil 7-noyabrdagi qarori asosida 260-uchastka saylov komissiyasi a’zolari tarkibi tasdiqlangan.
Saylovga 35 kun qolganida — deputatlikka nomzodlar tasdiqlanganida — 8-sonli umumta’lim maktab direktori Oynabod Lapasovaning nomzodi ham aynan 16-Turon saylov okrugi bo‘yicha Termiz shahar kengashi deputatligiga qo‘yilganligi ma’lum bo‘ldi.
Holatni qonunchilikka muvofiqlashtirish maqsadida okrug komissiyasining 14-dekabrdagi qarori bilan 260-uchastka saylov komissiyasi tarkibiga o‘zgartirish kiritildi — nomzodga bevosita bo‘ysunuvchi 8-maktab xodimlari komissiya a’zolari tarkibidan chiqarildi.
78-Termiz saylov okrug komissiyasi ushbu rasmiy munosabat orqali veb-saytlarda e’lon qilingan materialdagi 260-saylov uchastkasida Saylov kodeksi talablari buzilgani haqidagi holatni rad etadi.
78-Termiz saylov okrug komissiyasi
Izoh (0)