Nurafshonda tamaddixonadagi janjal pichoqbozlik bilan tugadi

Toshkent viloyatining Nurafshon shahridagi oshxonalardan birida ko‘ngilsiz voqea ro‘y berdi. Bu haqda “Postda” xabar bermoqda.

IIV huzuridagi Tergov departamentining ma’lum qilishicha, 51 yoshli A.A. va O.G. Nurafshon shahridagi oshxonalardan birida spirtli ichimlik iste’mol qilib o‘tirib, o‘zaro kelishmovchilik natijasida ular o‘rtasida janjal kelib chiqadi.

Janjal vaqtida O.G. stol ustida turgan oshxona pichog‘i bilan tanishining qorin qismiga tan jarohati yetkazadi. A.A. olgan tan jarohatlari bilan tibbiyot birlashmasiga murojaat qilgan. Birlamchi tibbiy ma’lumotnomiga ko‘ra, uning qorin qismida sanchilib kesilgan jarohati mavjudligi ko‘rsatilgan.

Holat yuzasidan fuqaro O.G.ga nisbatan jinoyat ishi qo‘zg‘atilgan.