Uber asoschisi va sobiq bosh direktori Travis Kalanik kompaniya direktorlar kengashini tark etmoqchi, deb yozmoqda Meduza.
“Nazarimda, hozir biznes va xayriya ishlariga e’tibor qaratishim uchun ayni payt. Uber kelajagi uchun chetdan turib qayg‘uraman”, — deya Kalanik so‘zlari keltirilgan kompaniya saytida.
Qolaversa, Kalanik Uber kapitalidan deyarli butunlay chiqqan. U so‘nggi bir yarim oy ichida kompaniya aksiyalarining o‘ziga tegishli qismining 90 foizini 2,5 milliard dollarga sotib yuborgan.
Kalanik 2017-yilda mijozlar va haydovchilarni kuzatib borish, shuningdek, jinsiy zo‘ravonlik bilan bog‘liq bir nechta janjallardan so‘ng Uber rahbari lavozimini tark etgan, ammo kompaniya direktorlar kengashida o‘z o‘rnini saqlab qolgandi.
Izoh (0)