Burkina-Fasoda jangarilar Sum provinsiyasining shimolidagi harbiy bo‘linmaga hujum uyushtirdi, deb xabar beradi Reuters.
Hujum oqibatida 35 nafar tinch aholi halok bo‘lgan, ularning aksariyati ayollar, shuningdek, yetti nafari harbiy xizmatchi. Hujumda 100 nafardan ortiq jangari ishtirok etgan bo‘lib, ularning 80 nafarga yaqini yo‘q qilingan.
Prezident Roka Kabore ikki kunlik milliy motam e’lon qilgan.
Dekabr oyining boshida Burkina-Fasoning sharqiy qismidagi cherkovga uyushtirilgan hujum oqibatida 14 kishi otib o‘ldirilgan edi. Halok bo‘lganlar orasida o‘smirlar ham bo‘lgan. Bundan oldingi hujum esa oktabr oyida masjidlardan biriga uyushtirilgan bo‘lib, 16 kishi halok bo‘lgandi.
Izoh (0)