Joriy yil 31-dekabr kuni soat 20:00 dan 2020-yil 1-yanvar soat 6:00 gacha Moskvada metro, temir yo‘lning Moskva markaziy halqasi va yer usti transportida harakatlanish bepul bo‘ladi. Bu haqda Rossiya poytaxti meri Sergey Sobyanin ma’lum qildi, deya xabar beradi Meduza.
Oldinlari Yangi yil kechasida Moskvada jamoat transportida qatnov bepul bo‘lmagan.
Shuningdek, 2020-yil 1-yanvardan 8-yanvargacha Moskva ko‘chalaridagi avtoturargohlar ham bepul bo‘ladi. Shlagbaumli avtoturargohlar amaldagi tariflari bo‘yicha ishlaydi.
Bayram munosabati bilan Moskvadagi markaziy ko‘chalar ilk bor 10 kunga — 28-dekabrdan 6-yanvarga qadar avtotransport uchun yopiladi. Oldinlari bu muddat 6 kundan oshmasdi.
Izoh (0)