Surxondaryo viloyatida Isuzu rusumli avtobus beton to‘siq ustidan sakrab o‘tayotgan piyodani urib yubordi. Bu haqda IIV YHXBB Axborot xizmati xabar berdi.
Ma’lumotlarga ko‘ra, 23-dekabr kuni soat 18:10 larda Angor tumani hududidan o‘tuvchi M-39 “Olmaota—Bishkek—Toshkent—Termiz” avtomobil yo‘lining 1427-kilometrida YTH sodir bo‘lgan.
Sherobod tumanida yashovchi 1960-yilda tug‘ilgan fuqaro o‘ziga biriktirilgan Isuzu avtobusini boshqarib ketayotib, yo‘lni ikkiga ajratib turuvchi beton to‘siqdan sakrab o‘tayotgan fuqaroni urib yuborgan.
Jabrlanuvchi ham 1960-yilda tug‘ilgan fuqaro bo‘lgan. Olingan tan jarohatlari oqibatida piyoda voqea joyida vafot etgan.
Izoh (0)