Сурхондарё вилоятида Isuzu русумли автобус бетон тўсиқ устидан сакраб ўтаётган пиёдани уриб юборди. Бу ҳақда ИИВ ЙҲХББ Ахборот хизмати хабар берди.
Маълумотларга кўра, 23 декабрь куни соат 18:10 ларда Ангор тумани ҳудудидан ўтувчи М-39 «Олмаота—Бишкек—Тошкент—Термиз» автомобиль йўлининг 1427-километрида ЙТҲ содир бўлган.
Шеробод туманида яшовчи 1960 йилда туғилган фуқаро ўзига бириктирилган Isuzu автобусини бошқариб кетаётиб, йўлни иккига ажратиб турувчи бетон тўсиқдан сакраб ўтаётган фуқарони уриб юборган.
Жабрланувчи ҳам 1960 йилда туғилган фуқаро бўлган. Олинган тан жароҳатлари оқибатида пиёда воқеа жойида вафот этган.
Изоҳ (0)