Sirdaryoda tez tibbiy xizmat xodimiga tajovuz qilindi, deb xabar bermoqda O‘zA.
Ma’lum bo‘lishicha, Guliston shahrining 1-mavzesi S.Alimov ko‘chasida joylashgan xonadon sohibi (ism-sharifi shartli ravishda ko‘rsatilmadi) farzandining tobi yo‘qligi bois 23-dekabr kuni soat 15:40 da shoshilinch va tez tibbiy yordam xizmatiga qo‘ng‘iroq qilib, yordam so‘rab murojaat qilgan.
Chaqirilgan manzilga yetib kelgan tez yordam xodimlari soat 15:45 da belgilangan tartibda bemor bolani ko‘zdan kechirgan.
Biroq mast holda bo‘lgan ota xizmat vazifasini bajarayotgan shifokor B.K.ni haqoratlab, unga tan jarohati yetkazgan. Oqibatda shifokorning o‘zi yordamga muhtojlik sezib, tibbiy ekspertiza muassasasiga murojaat qilgan.
Izoh (0)