Andijon shahri “O‘zbegim” savdo markazi yonida tashkil etilgan bayram archasi tadbirlarida qorbobolar tomonidan sotilayotgan sovg‘alarning yaroqlilik muddati tugagani ma’lum bo‘ldi, deb xabar beradi O‘zA.
Mazkur holat o‘rganilganida qorbobo sotayotgan 10 ming so‘mlik sovg‘a — shirinliklarning yaroqlilik muddati tugab, ustiga yangi sana yozilgani aniqlangan.
Yarmarkadagi sotuvchidan buning sababi so‘ralganida ularning bundan xabari yo‘qligini ma’lum qilib, faqat “Adoka" shirinligi guvohnomasida 2010-yildagi sana 2019-yilga almashtirilishi mumkinligi haqidagi sertifikatni ko‘rsatgan. Ammo boshqa mahsulotlarning bunday sertifikati bo‘lmagan.
Shu zahoti Andijon shahar DSENM xodimlari bilan bog‘lanib, tezkor reyd tadbiri tashkil etilgan.
Ichki ishlar xodimlari bilan o‘tkazilgan reydda qorbobolar sotayotgan sovg‘alar va yarmarkadagi yaroqlilik muddati tugagan mahsulotlar yig‘ishtirib olindi.
Izoh (0)