“Liverpul” himoyachisi Virjil van Deyk ingliz futbol muxlislari assotsiatsiyasi talqiniga ko‘ra Angliyaning 2019-yildagi eng yaxshi o‘yinchi nomiga loyiq ko‘rildi.
Mazkur sovrin uchun shuningdek, Jeymi Vardi (“Lester”), Pyer-Emerik Obameyang (“Arsenal”), Rahim Sterling (“Manchester Siti”), Sadio Mane (“Liverpul”) va Son Hin Min (“Tottenhem”) kabi futbolchilar da’vogarlik qilgandi.
28 yoshli niderlandiyalik futbolchi 2019-yilda “Liverpul” bilan Yevropa Chempionlar Ligasida g‘olib chiqdi. Van Deyk shuningdek 2018/19-yilgi mavsum yakunlariga ko‘ra, Angliya Premyer Ligasi va Yevropaning eng yaxshi o‘yinchisi deb topilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)