Yevropa Chempionlar Ligasida 16-dekabr, dushanba kuni 1/8 final juftliklari nomi ma’lum bo‘ldi.
“Daryo” mazkur qarama qarshiliklar borasidagi qiziqarli fakt va statistikalarni taqdim etadi.“Borussiya Dortmund” — PSJ
Tomas Tuxel murabbiy sifatida “Borussiya Dortmund”ga qarshi 6marta to‘qnash kelgan va ularning barchasida mag‘lub bo‘lgan.
Bu ikki klub o‘zaro ikki bor to‘qnash kelgan. Chempionlar Ligasining 2010/11-yilgi mavsumi guruh bosqichidagi ikki o‘yin ham durang bilan yakun topgan (1:1, 0:0).
Parij klubi Yevrokuboklar doirasida nemis klublariga qarshi kechgan so‘nggi sakkiz o‘yinning faqat bittasida mag‘lub bo‘lgan (5 ta g‘alaba, 2 ta durang)“Real Madrid” — “Manchester Siti”
Pep Gvardiola murabbiy sifatida eng ko‘p (17 marta) to‘qnash kelgan jamoa — “Real”. Ularda mutaxassis 9 g‘alaba, 4 mag‘lubiyat va 4 ta durang qayd etgan. Biroq Gvardiola “Real”ga qarshi so‘nggi 3 ta o‘yinda mag‘lubiyatga uchragan.
“Real” va “Manchester Siti” Chempionlar Ligasida jami 4 marta o‘zaro bahs yuritgan, ularning 2 tasida madridliklarning qo‘li baland kelgan bo‘lsa, yana 2 o‘yinda durang qayd etilgan.
“Atalanta” — “Valensiya”
“Atalanta” ilk bor Chempionlar Ligasi guruh bosqichida ishtirok etib, musobaqa pley-offiga yo‘llanma oldi. Bundan tashqari, bergamoliklar dastlabki 3 ta turda yutqazib pley-offga yo‘l ola bilgan ilk klubga aylandi.“Valensiya” Chempionlar Ligasi pley-off bosqichida italyan jamoalari bilan 3 bor to‘qnash kelib, ularning ikkitasida keyingi bosqichga yo‘l olgan“Atletiko Madrid” — “Liverpul”
“Liverpul” “Atletiko” bilan 2010-yil Yevropa Ligasi yarim finalida to‘qnash kelgan va mehmondagi gol evaziga mag‘lub bo‘lgan (0:1, 2:1).
Diyego Simeone murabbiylik faoliyati davomida ilk bor Yurgen Klopp jamoasiga qarshi bahs olib boradi.
Germaniyalik mutaxassis “Liverpul” bilan Yevrokuboklarda ikki o‘yinlik bahslarning (pley-off) hali birortasini boy bermadi.“Chelsi” — “Bavariya”
“Chelsi” 2012-yil Chempionlar Ligasi finalidan beri ilk bor “Bavariya” bilan to‘qnash kelmoqda. O‘shanda “Chelsi” myunxenliklarni penaltilar seriyasida 4:3 hisobida yengib, musobaqa chempioni bo‘ladi. “Ko‘klar”ning ayni damdagi ustozi Frenk Lempard esa o‘shanda jamoa sardori edi.
Bundan tashqari bu ikki jamoa Chempionlar Ligasida yana ikki bor to‘qnash kelgan. 2004/05-yilgi mavsumda “Chelsi” ikki o‘yin natijasiga ko‘ra (4:2, 2:3) “Bavariya”ni musobaqadan chiqarib yuborgandi.
“Lion” — “Yuventus”
“Yuventus” Yevrokuboklarda “Lion” bilan 4 marta o‘ynagan va ularning birortasida yutqazmagan (3 g‘alaba, 1 durang).“Tottenhem” — “Leypsig”
“Tottenhem” Chempionlar Ligasi doirasida nemis klublariga qarshi 10 marta to‘qnash kelgan (5 g‘alaba, 2 durang va 3 mag‘lubiyat). Biroq “shporlar” “Leypsig” bilan ilk bor o‘ynaydi.Joze Mourinyo “Portu” bilan Chempionlar Ligasida g‘olib chiqqan paytda nemislar ustozi Yulian Nagelsmann 16 yoshda edi.“Napoli” — “Barselona”
Bu ikki jamoa rasmiy o‘yinlarda hech qachon to‘qnash kelmagan.
“Barselona” Chempionlar Ligasi doirasida so‘nggi 7 ta pley-off bosqichidan 4 tasida Italiya klublariga qarshi to‘p surgan. Jumladan, 2017-yilda “Yuventus”, 2018-yilda “Roma” “Barselona”ni musobaqadan chiqarib yuborgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)