«Ливерпуль» ҳимоячиси Виржил ван Дейк инглиз футбол мухлислари ассоциацияси талқинига кўра Англиянинг 2019 йилдаги энг яхши ўйинчи номига лойиқ кўрилди.
Мазкур соврин учун шунингдек, Жейми Варди («Лестер»), Пьер-Эмерик Обамеянг («Арсенал»), Раҳим Стерлинг («Манчестер Сити»), Садио Мане («Ливерпуль») ва Сон Ҳин Мин («Тоттенҳэм») каби футболчилар даъвогарлик қилганди.
28 ёшли нидерландиялик футболчи 2019 йилда «Ливерпуль» билан Европа Чемпионлар Лигасида ғолиб чиқди. Ван Дейк шунингдек 2018/19 йилги мавсум якунларига кўра, Англия Премьер Лигаси ва Европанинг энг яхши ўйинчиси деб топилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)