Ukrainadagi siyosiy partiyalar “Normand to‘rtligi” sammiti arafasida mamlakat aholisini norozilik aksiyasiga chiqishga da’vat etdi. Partiyalarning qo‘shma bayonotini Oliy rada deputati Andrey Parubiy e’lon qildi, deya xabar beradi Meduza.
“Normand uchrashuvi’ arafasida rasmiylarga ukrainaliklarning hech kim inkor etishga haqli bo‘lmagan talablari haqida eslatish lozim”, — deyiladi bayonotda.
Ushbu bayonotni Ukraina sobiq prezidenti Pyotr Poroshenko (“Yevropa birdamligi” partiyasi yetakchisi), sobiq bosh vazir Yuliya Timoshenko (“Batkivshina”) va “Okean Elzi” guruhi yetakchsi Svyatoslav Vakarchuk (“Golos”) imzolagan.
Siyosatchilar Donbassdagi mojaroni bartaraf etish bo‘yicha beshta talabni sanab o‘tgan va ularni qo‘llab-quvvatlayotgan barchani Kiyevdagi Mustaqillik maydoniga to‘planishga da’vat qilgan.
Ma’lumot uchun, 9-dekabr kuni Germaniya, Rossiya, Ukraina va Fransiya yetakchilari Parijda “Normand formati” sammitiga to‘planadi.
Izoh (0)