Украинадаги сиёсий партиялар «Норманд тўртлиги» саммити арафасида мамлакат аҳолисини норозилик акциясига чиқишга даъват этди. Партияларнинг қўшма баёнотини Олий рада депутати Андрей Парубий эълон қилди, дея хабар беради Meduza.
«Норманд учрашуви» арафасида расмийларга украиналикларнинг ҳеч ким инкор этишга ҳақли бўлмаган талаблари ҳақида эслатиш лозим», — дейилади баёнотда.
Ушбу баёнотни Украина собиқ президенти Пётр Порошенко («Европа бирдамлиги» партияси етакчиси), собиқ бош вазир Юлия Тимошенко («Батькившина») ва «Океан Элзи» гуруҳи етакчси Святослав Вакарчук («Голос») имзолаган.
Сиёсатчилар Донбассдаги можарони бартараф этиш бўйича бешта талабни санаб ўтган ва уларни қўллаб-қувватлаётган барчани Киевдаги Мустақиллик майдонига тўпланишга даъват қилган.
Маълумот учун, 9 декабрь куни Германия, Россия, Украина ва Франция етакчилари Парижда «Норманд формати» саммитига тўпланади.
Изоҳ (0)