Toshkentning Olmazor tumanida joylashgan Islom sivilizatsiyasi markazining yangi qurilayotgan binosida 5-dekabr kuni yong‘in sodir bo‘layotgani haqida yong‘in-qutqaruv xizmatiga mahalliy vaqt bilan soat 16:38 da xabar kelib tushgan.
Xabar asosida voqea joyiga 10 ta asosiy yong‘in o‘chirish avtoekipajlari hamda 6 ta maxsus va yordamchi yong‘in o‘chirish texnikalari jalb etilgan. Birinchi bo‘linmalar chaqirilgan manzilga soat 16:44 yetib borgan va 16:54 da yong‘in qurshab olinib, soat 17:06 da to‘liq bartaraf etilgan.
“Tan jarohati olganlar va halok bo‘lganlar qayd etilmagan”, — deyiladi Davlat yong‘in xavfsizlik xizmati axborotida.
Yong‘in oqibatida qurilayotgan bino yerto‘lasida joylashgan ta’mirlash uchun olib kelingan teploizolyatsiya (penoplast) qurilish materiallari 150 kvadrat metr maydonda yongan.
Qayd etishlaricha, hozirda yong‘inning kelib chiqish sabab va moddiy zarar miqdori aniqlanmoqda.
Izoh (0)