Wargaming O‘zbekistonda World of Tanks uchun serverni ishga tushiradi, deb xabar bermoqda Spot. Bu haqda avvaliga API manbasi xabar bergan bo‘lsa, keyinchalik “O‘zbektelekom” AK tomonidan ham rasman tasdiqlangan.
Yozdan buyon bu haqda boshqa yangiliklar yo‘q edi, ammo yaqin kunlarda server dekabr oyidayoq ishga tushirilishi kutilayotgani ma’lum bo‘ldi.
“Hozirning o‘zidayoq yakuniy ishlar olib borilmoqda. Serverda yarim yilda birinchi bor tekshirish va sinovdan o‘tkazish uchun WG’ning texnik xodimlari paydo bo‘ldi. Bu u yaqin kunlar ichida ishga tushirilishdan darak beradi”, — deyiladi API xabarida.
Wargaming mahsulotlari O‘zbekistonda juda mashhur. 2018-yilning aprel oyida O‘zbekistonda u tomonidan ishlab chiqarilgan o‘yinlar kamida 22 ming kishi tomonidan o‘ynalayotgani ma’lum bo‘lgan.Wargaming — kompyuter o‘yinlarini yaratish bo‘yicha jahondagi yetakchi kompaniyalardan biri. 18 yillik faoliyati davomida kompaniya 15 dan ziyod turli platformalarga mo‘ljallangan o‘yinlarni ishlab chiqqan. Ular orasida World of Tanks, World of Warplanes va World of Warships kompyuter o‘yinlari Wargaming’ning eng ommalashgan mahsulotlari hisoblanadi.
Izoh (0)