Sankt-Peterburgda o‘tkazilgan MDH Parlamentlararo assambleyasi (PA)ning 50-yalpi majlisida MDH PA va uning tarkibiy tuzilmalari tadbirlaridagi faol ishtiroki, shuningdek Hamdo‘stlikka a’zo mamlakatlar xalqlari o‘rtasidagi do‘stlikni mustahkamlashga qo‘shgan hissasi uchun bir qator faollar, jumladan olti o‘zbekistonlik tashkilotning faxriy yorlig‘i bilan taqdirlangan edi.
Mavzuga doir: O‘zbekiston Senati 24-yalpi majlisda 10 ta qonun loyihasi muhokama qilinadi, O‘zbekiston Senati gaz va elektr ta’minotidagi muammolar yuzasidan hukumatdan izoh talab qiladi
Matbuot va axborotni rivojlantirishdagi xizmatlari uchun — O‘zbekiston Milliy teleradiokompaniyasining “O‘zbekiston 24” telekanali “Tahlilnoma” axborot-tahliliy dasturlari bo‘limi bosh muharriri o‘rinbosari Sergey Alibayev;
Madaniyat va san’atni rivojlantirishdagi xizmatlari uchun — Alisher Navoiy nomidagi Davlat akademik katta teatri simfonik orkestri dirijyori Kamoliddin O‘rinboyev;
Jismoniy tarbiya, sport va turizmni rivojlantirishdagi xizmatlari uchun — sport gimnastikasi bo‘yicha O‘zbekiston Milliy terma jamoasi a’zosi Oksana Chusovitina;
Madaniyat va san’atni rivojlantirishdagi xizmatlari uchun — “Usta Yusufjon naqqosh” oilaviy korxonasi naqqosh ustasi Mahamatali Yunusov;
Jismoniy tarbiya, sport va turizmni rivojlantirishdagi xizmatlari uchun — boks bo‘yicha O‘zbekiston Milliy terma jamoasi a’zosi Bahodir Jalolov;
Matbuot va axborotni rivojlantirishdagi xizmatlari uchun — O‘zbekiston Milliy teleradiokompaniyasining “O‘zbekiston 24” telekanali diktori Nodirxon Muhammedxonov.
Senati raisi Tanzila Norboyeva ushbu mukofotlarni topshirarkan, MDH PAdek nufuzli tashkilot mukofotiga sazovor bo‘lgan hamyurtlarimizni butun O‘zbekiston xalqi nomidan muborakbod etdi.
“Sizlarga mustahkam sog‘lik, kuch-g‘ayrat tilab, xalqlar o‘rtasidagi do‘stlikni yanada mustahkamlashda charmang, deb qolamiz”, — dedi Tanzila Norboyeva.
Izoh (0)