Telegram asoschisi Pavel Durov 22-noyabr, jum kuni messenjer faoliyatida kuzatilgan xabar jo‘natishdagi muammolar tufayli messenjer foydalanuvchilaridan uzr so‘radi. Bu haqda “Interfaks” xabar berdi.
“Juma kuni Grinvich vaqti bilan soat 13:00 dan 14:00 ga qadar onlayn bo‘lgan foydalanuvchilarning 15 foizi Telegram’ga ulanishda muammoga duch kelgan. Muammo asosan Germaniya, Iroq, O‘zbekiston, Rossiya, Ukraina, Qozog‘iston av Belarus hududlaridagi foydalanuvchilarda kuzatilgan. Ushbu bir soat vaqt oralig‘ida o‘z egasiga yetib bora olmagan har bir xabar uchun uzrimizni bildiramiz”, - deb yozgan Durov o‘z telegram kanalida.
Durov Telegram foydalanuvchilarining soni yildan-yilga 50 foiz tezlik bilan ortib borayotganini ham qayd etdi.
“O‘sishning bunday tezkor sur’atlarda borishi ayrim muammolarni keltirib chiqarmoqda. Platformamizni maksimal darajada himoyalangan bo‘lishini istaymiz. Garchi, messenjening barchaga birdek ekanini buzishga urinishlar bo‘layotgan (iyun oyida Xitoydan turib DDoS-hujum uyushtirilganini nazar tutgan) bo‘lsa ham, Telegram bu kabi muammolarga doim munosib qarshilik ko‘rsata olmoqda”, - deyiladi xabarda.
Downdetector ma’lumotiga ko‘ra 22-noyabrda Telegram ishida global muammo kuzatilgan. Jumladan, Belorus, O‘zbekiston, Germaniya, Fransiya va Buyuk Britaniyada foydalanuvchilarning messenjerdan foydalanishida to‘xtalish va uzilishlar bo‘lgan.
So‘nggi bor Telegram ishidagi bunday to‘xtalishlar 2019-yil iyun oyida kuzatilgan. O‘shanda messenjer DDoS-hujumga uchragandi. Telegram’dan foydalanishdagi muammolar Braziliya, AQSh va Yevropadagi mijozlarga xizmat ko‘rsatishda yuzaga kelgan. Durov messenjerdagi ushbu kamchiliklarni Gonkongdagi norozilik namoyishlariga aloqadorligini bildirgan. Uning so‘zlariga ko‘ra nessenjerga Xitoyda ro‘yxatdan o‘tkazilgan IP-manzillar orqali hujum uyushtirilgan.
Izoh (0)