Gipertovushli qurollarning ikkala turi ham 2022-yilda jangovar holatga keltiriladi. Bu haqda 22-noyabr, juma kuni AQSh harbiy havo kuchlari moddiy-texnika ta’minoti qo‘mondonligi vakili, general Arnold Banch ma’lum qildi, deb yozmoqda “Izvestiya”.
Jurnalistlar undan gipertovushli qurol nima uchun Amerika harbiy havo kuchlarining 2030-yilgacha mo‘ljallangan ilmiy-texnologik taraqqiyot strategiyasiga kiritilmagani haqida savol bergan.
Generalning so‘zlariga ko‘ra, AQSh harbiy havo kuchlari gipertovushli qurolni ikkita dastur bo‘yicha yaratish ustida ishlamoqda: Hypersonic Conventional Strike Weapon (HCSW) hamda Air-Launched Rapid Response Weapon (ARRW).
“Bir yoki bir yo‘la ikkita loyihani amalga oshirib, gipertovushli qurollarni dastlabki jangovar shay holatga keltirish 2022-yilda bajarilishi mumkin”, — deydi Banch.Lockheed Martin kompaniyasi HCSW va ARRW tizimlarini yaratish ishlarini amalga oshiradi. ARRW yoki ikkinchi nomi AGM-183A bo‘lgan gipertovushli jangovar bloklarning yozgi sinovlari B-52 qurilmalari vositasida AQShda iyun oyida o‘tkazilgan.
Mavzuga doir:
- Eron raketa zaxirasi Yaqin Sharqdagi boshqa davlatlarnikidan ko‘p ekani ma’lum qilindi
- AQSh prezidentligiga nomzod debatlar vaqtida davlat xorij mamlakatlari ichki siyosatiga aralashmasligi kerakligini ta’kidladi
- Amerika podpolkovnigiga Ukraina mudofaa vaziri bo‘lish taklif etildi. Keyinchalik bu hazil ekani xabar qilindi
Avvalroq Pentagon rasmiy vakili Robert Karver AQShning gpirtovushli qurollar texnologiyasi borasida Rossiyadan ortda qolayotgani va Vashington ushbu yo‘nalishdagi ishlarni kuchaytirishi lozimligini ma’lum qilgan.
Izoh (0)