Telegram асосчиси Павел Дуров 22 ноябрь, жум куни мессенжер фаолиятида кузатилган хабар жўнатишдаги муаммолар туфайли мессенжер фойдаланувчиларидан узр сўради. Бу ҳақда «Интерфакс» хабар берди.
«Жума куни Гринвич вақти билан соат 13:00 дан 14:00 га қадар онлайн бўлган фойдаланувчиларнинг 15 фоизи Telegram’га уланишда муаммога дуч келган. Муаммо асосан Германия, Ироқ, Ўзбекистон, Россия, Украина, Қозоғистон ав Беларусь ҳудудларидаги фойдаланувчиларда кузатилган. Ушбу бир соат вақт оралиғида ўз эгасига етиб бора олмаган ҳар бир хабар учун узримизни билдирамиз», - деб ёзган Дуров ўз телеграм каналида.
Дуров Telegram фойдаланувчиларининг сони йилдан йилга 50 фоиз тезлик билан ортиб бораётганини ҳам қайд этди.
«Ўсишнинг бундай тезкор суръатларда бориши айрим муаммоларни келтириб чиқармоқда. Платформамизни максимал даражада ҳимояланган бўлишини истаймиз. Гарчи, мессенженинг барчага бирдек эканини бузишга уринишлар бўлаётган (июнь ойида Хитойдан туриб DDoS-ҳужум уюштирилганини назар тутган) бўлса ҳам, Telegram бу каби муаммоларга доим муносиб қаршилик кўрсата олмоқда», - дейилади хабарда.
Downdetector маълумотига кўра 22 ноябрда Telegram ишида глобал муаммо кузатилган. Жумладан, Белорус, Ўзбекистон, Германия, Франция ва Буюк Британияда фойдаланувчиларнинг мессенжердан фойдаланишида тўхталиш ва узилишлар бўлган.
Сўнгги бор Telegram ишидаги бундай тўхталишлар 2019 йил июнь ойида кузатилган. Ўшанда мессенжер DDoS-ҳужумга учраганди. Telegram’дан фойдаланишдаги муаммолар Бразилия, АҚШ ва Европадаги мижозларга хизмат кўрсатишда юзага келган. Дуров мессенжердаги ушбу камчиликларни Гонконгдаги норозилик намойишларига алоқадорлигини билдирган. Унинг сўзларига кўра нессенжерга Хитойда рўйхатдан ўтказилган IP-манзиллар орқали ҳужум уюштирилган.
Изоҳ (0)