Eron aloqa va kommunikatsiyalar vaziri Muhammad Javod Jahromiy ham AQSh sanksiya qo‘llagan mansabdorlar ro‘yxatiga kiritildi. Bu haqda 22-noyabrda AQSh moliya vazirligi e’lon qilgan, deb yozmoqda “Interfaks”.
Vazirga nisbatan qo‘llanilgan ushbu cheklov me’yorlari uning Eronda xalq namoyishlari o‘tkazilayotgan vaqtda internet-senzuraga yo‘l ochgani tufayli qo‘llanilgan.
“Eronda aholiga taqdim qilinadigan Internet xizmatlarining vakolatli organi Jahromiy boshqaruvidagi vazirlik hisoblanadi. Uning boshqaruvidagi idora Eron hukumati ta’kidlaganidek namoyishlar vaqtida milliy xavfsizlikni ta’minlash maqsadida noyabr oyida bir necha kun davomida ushbu aloqa xizmatlarini o‘chirib qo‘ygan”, - deyiladi AQSh moliya vazirligi bayonotida.
Vazirlikning qayd etishicha, Jahromiy Eronda Internetga nisbatan zo‘ravon senzuraga asoslangan siyosatni amalga oshirgan va norozilik bildirayotgan muxolifat vakillarining yashirincha kuzatilishini tashkil etgan.
AQSh Eron aloqa vazirining barcha hisob raqamlarini muzlatib qo‘ydi, amerikalik fuqarolarga esa u bilan hamkorlik qilish taqiqlandi.
AQSh prezidenti Donald Tramp Eron hukumatining Internetni cheklash orqali mamlakatda bo‘layotgan voqea-hodisalarni dunyo davlatlaridan yashirishni ko‘zlagani haqida gapirgan.
Mavzuga doir:
Izoh (0)