Yaponiyaning Yamagata universiteti olimlari Perudagi Naska cho‘lidan yuzga yaqin ulkan o‘lchamdagi suratlarni topdi. Topilmaga oid ma’lumotlar universitet saytida e’lon qilingan.
Platodagi suratlarda yirik jonivorlar, maxluqlar, shuningdek, noma’lum jonzotlar tasvirlangan. 143 geoglif dala ishlari qilinayotgan vaqtda topilgan bo‘lsa, ayrim qadimiy tasvirlar sun’iy intellekt orqali aniqlangan. Mutaxassislarning ta’kidlashicha, topilmalar eramizdan oldingi 100-yildan eramizning 300-yillariga oid bo‘lishi mumkin.
Ayni vaqtida tadqiqotchilar olingan suratlar orqali mahalliy hududning xaritasini yaratish ustida ish olib bormoqda. Olimlar yangi natijalar Naska chizig‘iga oid jumboqni yechishga yordam berishiga umid qilmoqda.
Iyun oyida mazkur universitetning olimlari Naska platosidagi suratlarning ayrimlarida qushlar tasvirlanganini ma’lum qilgandi. Mutaxassislar fikricha, qadimgi peruliklarni mahalliy hududda yashamagan ekzotik tirik mavjudotlar o‘ziga jalb qilgan.
Izoh (0)