Япониянинг Ямагата университети олимлари Перудаги Наска чўлидан юзга яқин улкан ўлчамдаги суратларни топди. Топилмага оид маълумотлар университет сайтида эълон қилинган.
Платодаги суратларда йирик жониворлар, махлуқлар, шунингдек, номаълум жонзотлар тасвирланган. 143 геоглиф дала ишлари қилинаётган вақтда топилган бўлса, айрим қадимий тасвирлар сунъий интеллект орқали аниқланган. Мутахассисларнинг таъкидлашича, топилмалар эрамиздан олдинги 100 йилдан эрамизнинг 300 йилларига оид бўлиши мумкин.
Айни вақтида тадқиқотчилар олинган суратлар орқали маҳаллий ҳудуднинг харитасини яратиш устида иш олиб бормоқда. Олимлар янги натижалар Наска чизиғига оид жумбоқни ечишга ёрдам беришига умид қилмоқда.
Июнь ойида мазкур университетнинг олимлари Наска платосидаги суратларнинг айримларида қушлар тасвирланганини маълум қилганди. Мутахассислар фикрича, қадимги перуликларни маҳаллий ҳудудда яшамаган экзотик тирик мавжудотлар ўзига жалб қилган.
Изоҳ (0)