Oliy Majlis Qonunchilik palatasi hamda mahalliy Kengashlar deputatlari saylovi bo‘yicha siyosiy partiyalarning va deputatlikka nomzodlarning saylovoldi tashviqotiga 18-noyabrdan start berildi. Bu haqda Adliya vazirligi ma’lum qildi.
Saylov kodeksining 44-moddasiga muvofiq, saylovoldi tashviqoti nomzodlarni ro‘yxatga olish uchun belgilangan oxirgi kunning ertasidan e’tiboran boshlanadi. Saylov kuni va ovoz berishga bir kun qolganida tashviqotga yo‘l qo‘yilmaydi.
15-noyabr kuni Markaziy saylov komissiyasi Oliy Majlis Qonunchilik palatasi deputatligiga partiyalardan ko‘rsatilgan nomzodlarni rasman ro‘yxatga olgan va ularning mutaxassisligi, ma’lumoti va yoshi haqida ma’lumot bergan edi.
Izoh (0)