Ekologiya faollari Tojikiston hokimi Rustam Emomali nomiga imzolar to‘plagan holda shahardagi hayvonot bog‘ini yopish va undagi hayvonlarni tabiiy sharoitlarga qo‘yib yuborish haqida murojaat yo‘llamoqchi. Bu haqda Asia-Plus xabar tarqatdi.
Hayvonlar himoyachilarning fikricha, hayvonot bog‘idagi jonivorlar o‘ta noqulay sharoitlarda hayot kechirmoqda, ular yaxshi ovqatlantirilmaydi, veterinariya xizmatlari ham u qoniqarli emas, tez-tez kasallikka chalinib, halok bo‘lmoqda. Faollarning murojaatida qafaslar va volyerlar zamonaviy talablarga mos emas, hayvonot bog‘ida ishlovchi xodimlari malaka talablariga javob bermaydi, muassasa ta’minotining bunday kechishi bog‘ga kelganlar, jumladan, bolalarning ruhiyatiga salbiy ta’sir ko‘rsatayotgani qayd etilgan.
Hujjat mualliflari Dushanbedagi hayvonot bog‘ining muammolari surunkali xarakterga ega ekani va bu boradagi vaziyatning 30 yildan buyon sira o‘zgarmaganligiga urg‘u bergan. Ular muassasani yopish va jonivorlarni ular taqdiriga befarq bo‘lmagan mutaxassislar ixtiyoriga topshirishni taklif etgan. Murojaat yozgan fuqarolar hayvonlarni boshqa mamlakatlardagi hayvonot bog‘ilarga sotish, ayrim jonivorlarni esa reabilitatsiyadan keyin yovvoyi tabiatga qo‘yib yuborish ham to‘g‘ri yechim bo‘ladi deb hisoblamoqda. Hokimga qilingan murojaatda og‘ir ahvoldagi hayvonlarni ekspert xulosasi olinganidan keyin klinik yo‘l bilan uxlatib qo‘yish kerakligi yozilgan.
Yopilgan hayvonot bog‘i o‘rnida dam olish zonasi, ekologiya markazi yoki istirohat bog‘i qurish taklif etilmoqda.Ekofaollar respublika jamoat tashkilotlarini o‘z murojaatini qo‘llab-quvvatlashga chaqirdi. Imzolar yig‘ish 17-noyabrgacha davom etadi. Ular hokim nomiga ikki mingdan ortiq imzo yig‘ilgan ikkinchi murojaatni ham yuborishni ko‘zlamoqda.
Izoh (0)