Himoyani boshqarish markazi 14-noyabr kuni mutasaddilari qariyb 2 million nafar suriyalik qochoqlarning o‘z uylariga qaytganini ma’lum qildi, deb yozmoqda “Izvestiya”.
“Amalga oshirilgan ishlar natijasida bugungacha jami 1 999 848 nafar suriyalik fuqaro, jumladan 1 304 919 nafar mamlakat hududidagi va 694 929 nafar xorijdagi qochoqlar o‘z uylariga qaytdi”, — deyiladi Markaz xabarida.
Shuningdek, bayonotda 2018-yil 18-iyuldan beri jami 32 372 mingta ijtimoiy ahamiyatga ega bo‘lgan sanoat va ishlab chiqarish obyektlarining qurib, foydalanishga topshirilgani va qayta ta’mirlangani qayd etilgan.Urushdan talofat ko‘rgan hududlarga ijtimoiy yordamlar ko‘rsatilishi davom etmoqda. Rossiya harbiylari Ayn-Isa shahri aholisi uchun jami 15 tonna oziq-ovqat mahsulotlari yetkazib bergan.
Suriya mahalliy va o‘z-o‘zini boshqarish organlari vaziri Husayn Maxluf noyabr boshidan beri uylarini tark etgan 12 414 nafr fuqaro yana qaytib kelganini bildirgan. U ortga qaytgan qochoqlarni qabul qilish va ularga tegishli ko‘mak berishga yuqori malakaga ega mutaxassislar jalb qilinganini ta’kidlagan.
Izoh (0)