Turkmaniston hukumati vakillari mamlakatda 2019-yil uchun paxta rejasining amalga oshirilganini e’lon qildi. Axal, Bolqon, Lebob, Mariy va Tashhovuz viloyatlari hokimlari prezident Gurbanguli Berdimuhamedovga o‘zlari rahbarlik qilayotgan hududlarning paxta rejasini muvaffaqiyatli bajarganligi haqida hisobot berdi.
Mamlakatda jami 1 million 50 ming tonna paxta yig‘ib olingan.
“Davlat oldidagi mas’uliyatli burchini bajargan yer egalari endi katta kuch bilan dala maydonlarida qolgan paxtani ham terib olishni maqsad qilgan”, – deyiladi xabarda.
“Xronika Turkmenistana” nashrining yozishicha, prezident barcha viloyatlar hokimlarini, jumladan, o‘z o‘g‘li, Axal viloyati hokimi Serdar Berdimuhamedovni ham ordenlar bilan mukofotlash bo‘yicha qaror qabul qilgan.
Mavzuga doir:
Xususan, Lebob viloyatidagi yollanma dehqonlar va muddatli harbiy xizmatni o‘tayotgan askarlar Axaldagi paxta dalalariga yuborilgan. Natijada Axal viloyati Turkmanistonda birinchi bo‘lib paxta rejasini bajardi.
Biroq mustaqil kuzatuvchilar mamlakatda paxta rejasining haqiqatan ham bajarilganiga shubha bilan qaramoqda. Turkmen.news nashri tahliliy maqolasida 2019-yilda paxta rejasining taxminan 40 foizga bajarilishini prognoz qilgandi. Materialda paxta hosilining yaxshi bo‘lmagani, Axal viloyatida fermerlar reajani bajarmagani uchun jarimaga tortilayotgani, ayrim dehqonlar davlat uchun yer ijarasi pulini to‘lamayotgani ta’kidlangan.
Izoh (0)