Dubay amirligining valiahdi Shayx Hamdan bin Muhammad Ol Maktum oktabr oyida ikkinchi marta O‘zbekistonga keldi.
Telegram’dagi AviaSpotter kanalining ma’lum qilishicha, Dubay hukumatiga xizmat ko‘rsatuvchi Dubai Royal Air Wing samolyoti 31-oktabr, payshanba kuni Toshkentga qo‘ngan.
Shayx Hamdanning Instagram’ga yuklagan suratlariga ko‘ra, u Tashkent City hududidagi Hilton mehmonxonasiga joylashib, payshanba kuni Toshkent shahar hokimi Jahongir Ortiqxo‘jayev bilan uchrashgan.
Shahzoda, shuningdek, O‘zbekiston Prezidenti Shavkat Mirziyoyev oilasi vakillarining ham mehmoni bo‘lgan.Dubay taxti vorisi oktabr oyi o‘rtalarida ham O‘zbekistonda bo‘lib, Navoiy shahridan qariyb 50 kilometr uzoqlikdagi cho‘l hududida lochinlar bilan ov qilgan edi.
Bu hududda 300 gektar maydonni egallagan “Amirliklarning yo‘rg‘a tuvaloqni asrash markazi” joylashgan.
Izoh (0)