AQSh Kongressi vakillar palatasida prezident Donald Trampning impichmenti jarayoni doirasida ilk ovoz berish bo‘lib o‘tdi. Bu haqda Meduza xabar bermoqda.
Kongress a’zolaridan 232 nafari ochiq muhokamalar boshlanishini ko‘zda tutuvchi rezolyutsiyani yoqladi, 196 nafari esa bunga qarshi chiqdi. Hujjat ochiq eshituvlar va guvohlar ko‘rsatmalarini e’lon qilish tartiblarini belgilab beradi.
Shuningdek, rezolyutsiyada Tramp faoliyatini o‘rganayotgan palataning 6 ta qo‘mitasidan tekshiruvlarni davom ettirish talab qilingan.
Ma’lumot uchun, impichment Trampning Ukraina prezidenti Vladimir Zelenskiy bilan muloqoti tufayli boshlandi. AQSh yetakchisi Zelenskiydan bo‘lajak prezidentlik saylovlarida Trampning asosiy raqibi sanalayotgan Jo Baydenning Burisma kompaniyasi rahbarlaridan biri bo‘lgan o‘g‘liga qarshi tekshiruv boshlashni so‘ragandi.
Izoh (0)