АҚШ Конгресси вакиллар палатасида президент Дональд Трампнинг импичменти жараёни доирасида илк овоз бериш бўлиб ўтди. Бу ҳақда Meduza хабар бермоқда.
Конгресс аъзоларидан 232 нафари очиқ муҳокамалар бошланишини кўзда тутувчи резолюцияни ёқлади, 196 нафари эса бунга қарши чиқди. Ҳужжат очиқ эшитувлар ва гувоҳлар кўрсатмаларини эълон қилиш тартибларини белгилаб беради.
Шунингдек, резолюцияда Трамп фаолиятини ўрганаётган палатанинг 6 та қўмитасидан текширувларни давом эттириш талаб қилинган.
Маълумот учун, импичмент Трампнинг Украина президенти Владимир Зеленский билан мулоқоти туфайли бошланди. АҚШ етакчиси Зеленскийдан бўлажак президентлик сайловларида Трампнинг асосий рақиби саналаётган Жо Байденнинг Burisma компанияси раҳбарларидан бири бўлган ўғлига қарши текширув бошлашни сўраганди.
Изоҳ (0)