Zimbabveda telekommunikatsiya bozorining davlat aloqa xizmatlari 95 foizga oshirildi. Bu haqda “Izvestiya” xabar berdi.
Xabarga ko‘ra, aloqa xizmatlarining narxi 95,39 foizga oshgan, bu qo‘ng‘iroqlar hamda SMS-xabarnomalariga ham taalluqli.
Shuningdek, mamlakatda avtomobil uchun yonilg‘i narxlari ham 12 foizga oshgandi. Elektr energiya uchun tariflar esa oktabr oyida 320 foizga qimmatlagan.
Hukumat inflyatsiya darajasi haqidagi ma’lumotlarni OAVda e’lon qilishni 2020-yil fevraliga qadar taqiqlab qo‘ydi. Mamlakatda 1 AQSh dollari 322 Zimbabve dollariga teng bo‘lib qolgan.
26-iyunda Zimbabve hukumati 2009-yilda amalga kiritilgan multivalyuta savatchasini soddalashtirgan va mamlakatda barcha to‘lovlar va savdolar Zimbabve dollarida amalga oshirishni belgilab qo‘ygan.
Multivalyuta savatchasi inflyatsiya haddan tashqari o‘sib ketgani sabab bundan o‘n yil avval joriy etilgan. Shundan keyin inflyatsiya 236 million foizga yetgan va davlat statistika xizmati ma’lumotlarni e’lon qilishni to‘xtatgan va Zimbabve dollaridan voz kechgandi.
Avvalroq, Zimbabveda passport tayyorlash uchun qog‘oz qolmagani, shuningdek, mamlakatdagi iqtisodiy inqiroz sabab Afrika qo‘riqxonalaridagi yovvoyi hayvonlar ham qiynalayotgani xabar qilingandi.
Izoh (0)