Eron oliy yetakchisi Sayid Ali Husayniy Xomanaiy Iroq va Livanda hukumatga qarshi noroziliklar o‘tkazayotgan odamlarga asosiy e’tiborni boshqa shart-sharoitlarga emas, balki vatanlarida xavfsizlikni ta’minlashga qaratishni maslahat berdi.
“Iroq va Livandagi odamlarga hamdardman, lekin ular birinchi navbatda o‘z mamlakatlarida xavfsizlik va xotirjamlikni ta’minlashga e’tibor qaratishi lozim”, — deya ta’kidlagan Xomanaiy.
Shuningdek, u Iroqda va Livanda xalq talab qilayotgan islohotlar qonun ustuvor bo‘lgan jamiyat barpo qilinsagina amalga oshirilishi mumkinligini qayd etdi.
Sayid Ali Husayniy Xomanaiy ikki davlatdagi amaldorlar, ziyolilar va jamiyatning barcha qatlamlari vakillarini xorijlik dushmanlar fitnasidan ogoh bo‘lishga chaqirdi. Uning fikricha aql-idrok bilan ish ko‘rish tahdidlarga qarshi kurashda samara beradi.
Jamiyatda xavfsizlik ta’minlanmasa madaniy, iqtisodiy, tajriba va ilmiy faoliyatning rivojlanishi to‘xtab qoladi. Shu sababli xavfsizlikni ta’minlash hamma uchun o‘ta muhim bo‘lgan eng asosiy vazifa bo‘lishi lozim.Iroqdagi hukumatga qarshi namoyishlar 1-oktabrda boshlangan. Ma’lum vaqt tanaffusdan so‘ng yana qayta boshlangan noroziliklarda politsiya hamda xalq o‘rtasidan kuchli to‘qnashuvlar kuzatilmoqda. Iroqdagi namoyishlarda halok bo‘lganlar soni 250 nafardan oshgan.Ushbu noroziliklarning boshlanishi ortida tashqaridagi manfaatdor kuchlar turibdi. Qo‘zg‘alonlar AQSh va g‘arb josuslik xizmatlarining fitnasi sabab boshlangan.
Ular Eronda ham shunga o‘xshash fitnalarni amalga oshirmoqchi bo‘lgan, lekin bizning xalq vaqtida mardonovor javob qaytardi, qurolli kuchlar ham yaxshi tayyorgarlikk ega bo‘lgani uchun ular hech nima qila olmadi.
Sayid Ali Husayniy Xomanaiy, Eron oliy yetakchisi
Mavzuga doir: Eron oliy yetakchisi Oyatulloh Humayniy dushmanlar Iroq va Eron o‘rtasida nizo chiqara olmasligini ma’lum qildi
Izoh (0)