Qishloq xo‘jaligida ishlash imkoniyati va ishtiyoqi bo‘lgan 50 nafar inson bir hududda birlashtirilib, kooperativ tashkil etiladi, deb xabar beradi O‘zA.
Bunda hamkor tadbirkor – shu hududdagi ilg‘or fermer yoki qayta ishlash bilan shug‘ullanayotgan tadbirkor bo‘lishi mumkin. Ularni yanada rag‘batlantirish uchun 5 gektar yer beriladi. Shu tariqa ishbilarmon 50 ishchining mahsulotini sotib olish, saqlash imkoniga ega bo‘ladi.
Hamkor tadbirkor – shu hududdagi ilg‘or fermer yoki qayta ishlash bilan shug‘ullanayotgan tadbirkor bo‘lishi mumkin. Ularni yanada rag‘batlantirish uchun 5 gektar yer beriladi.
Tajriba asosida birinchi bosqichda Farg‘ona vodiysining ishsizlik darajasi yuqori bo‘lgan va foydalanilmayotgan zaxirada yerlari mavjud 22 tumanda 31 kooperativ tuzish mo‘ljallangan. Asaka, Qo‘rg‘ontepa, Ulug‘nor, Paxtaobod, Bo‘ston, Pop tumanlari shular sirasidandir.
Kooperativga qishloqlardagi kam ta’minlangan aholi pay ulushi asosida a’zo bo‘ladi. Unga kirayotgan ishsiz fuqarolarga Bandlikka ko‘maklashish jamg‘armasi hisobidan 2,23 million so‘m subsidiya beriladi. Yoki “har bir oila — tadbirkor” dasturi asosida imtiyozli tarzda 30 million so‘mlik kredit ajratiladi. A’zolar bu pul bilan ustav jamg‘armasiga kiradi. Fermer, tadbirkor yoki tomorqa xizmat korxonasi 500—900 million so‘m yoki undan ko‘proq mablag‘ bilan kiradi.
Ayni vaqtda bu boradagi ishlar sinov tariqasida Popda boshlab yuborildi.
Izoh (0)