Milliy gvardiya xodimiga bo‘ysunmagan va unga qarshilik ko‘rsatganlar endi jazolanadi

Milliy gvardiya faoliyati takomillashtirilganligi munosabati bilan qonun hujjatlariga o‘zgartishlar kiritildi, deb xabar beradi Norma.

Ma’muriy javobgarlik to‘g‘risidagi kodeksga 2 ta yangi modda qo‘shildi. Ularda Milliy gvardiya xodimining qonuniy talabiga bo‘ysunmaslik va xizmat burchini o‘tayotgan paytda qarshilik ko‘rsatganlik uchun jazolar belgilangan.

Milliy gvardiya harbiy xizmatchisi tomonidan huquqbuzarlik to‘xtatilishi, tekshiruv uchun hujjatlarni bermaslik, ko‘rsatilgan muddat ichida Milliy gvardiya (huquqni muhofaza qiluvchi organlar) ga kuzatib borish yoki kelish to‘g‘risida, avtotransport vositasini to‘xtatish, jarohat olganlarga yordam berish yoki Milliy gvardiya harbiy xizmatchisining (xizmatchisining) qonuniy talablariga boshqacha tarzda bo‘ysunmaslik holatlari sodir etilsa, bazaviy hisoblash miqdorining yarim baravaridan 2 baravarigacha jarimaga tortiladi. Agar bir yil ichida ikkinchi marta sodir etilsa, jazo chorasi 15 sutkalik ma’muriy qamoqqacha yetib borishi mumkin.

Milliy gvardiya harbiy xizmatchisining (xizmatchisining) o‘z xizmat vazifalarini bajarishi munosabati bilan qonuniy talablarini bajarmaslik, shuningdek, Milliy gvardiya harbiy xizmatchilariga (xodimlariga) ommaviy itoatsizlikni qo‘zg‘ash maqsadida bila turib yolg‘on uydirmalarni tarqatish to‘g‘risida har qanday shaklda murojaatlar — bazaviy hisoblash miqdorining 3—5 barobari miqdorida jarimaga tortish yoki 15 sutkagacha ma’muriy qamoq jazosi belgilanishi mumkin.

Boshqa o‘zgartirishlar qatorida:

• huquqbuzarliklar profilaktikasi bo‘yicha organning vakolatlari aks ettirildi;
• xodimlarga siyosiy partiyalarga kirish taqiqlangan;
• Milliy gvardiya qo‘riqlash bo‘linmalari yuridik shaxslar daromad solig‘i va ularning xizmatlarini QQS to‘lashdan ozod qilindi.