28-oktabr, dushanba kuni soat 07:30 da Andijon viloyatining Buloqboshi tumani “Baynalminal” mahalla fuqarolar yig‘ini hududidan oqib o‘tuvchi “Janubiy Farg‘ona” kanalining 1-sonli GES to‘g‘onidan erkak kishining murdasi topildi. Bu haqda “Postda” gazetasi xabar berdi.
Ma’lum qilinishicha, tashqi ko‘rinishida jarohat alomatlari bo‘lmagan murda Qirg‘iziston fuqarosi Azamat Satibaldiyev bo‘lib chiqqan.
O‘tkazilgan sud-tibbiy ekspertiza xulosasiga ko‘ra, fuqaro yuqori nafas yo‘llarining suyuqlik bilan berkilishi oqibatida kelib chiqqan mexanik asfiksiyadan vafot etgan.
Ayni paytda mazkur holat yuzasidan surishtiruv ishlari olib borilmoqda.
Izoh (0)