Hindiston Jammu va Kashmir shtatini ikkita federal hududga bo‘ladi

Hindiston hukumati 31-oktabr, payshanba kuni rasman katta siyosiy bahslarga sabab bo‘lgan Jammu va Kashmir shtatini ikkita federal hududga bo‘lib tashlaydi. Hindlar shu yo‘l bilan uch oydan buyon qattiq xavfsizlik nazoratida turgan notinch viloyatdagi vaziyatni o‘nglashni maqsad qilgan, deb yozmoqda Reuters.

Joriy yilning avgust oyida Hindiston hukumati “Bharatiya Janata parti” bilan birgalikda Jammu va Kashmir shtatini tugatish va ikkita federal subyektga bo‘lib tashlashni taklif etgan. Mamlakat ichki ishlar vaziri Amit Shoh Konstitutsiyaning 370-moddasi bekor qilingach shtatda alohida qonunchilik majlisi saylanishi va federal hukumatga bo‘ysunuvchi Ladox ham bo‘lishini bildirgan. Ushbu qaror sabab Pokiston hukumati Lahor va Hindiston poytaxti Nyu-Dehli o‘rtasidagi so‘nggi jamoat transporti yo‘nalishi bo‘lgan avtobuslar qatnovini bekor qilgan va ikki davlat o‘rtasidagi savdo aloqalariga ham putur yetgandi.Hukumatning Hindiston—Pokiston chegarasidagi muammoli Jammu va Kashmir shtatining alohida maqomini bekor qilgani xalqaro maydonda ko‘plab dunyo mamlakatlarining noroziligiga sabab bo‘lgan.