Isroilning butun dunyodagi diplomatik vakolatxonalari 30-oktabrdan butun dunyoda yopiladi, deya xabar bergan Isroilning Moskvadagi elchixonasining Facebook’dagi sahifasida. Ushbu qarorga Moliya vazirligining elchixonalarni moliyalashtirishni qisqartirganligi sabab bo‘ldi. Sankt-Peterburgdagi diplomatik vakolatxona ham yopilgan. Bu haqda “Kommersant” xabar berdi.
“Isroil moliya vazirligining bosh direktori bilan kelishilgan va uning imzosi bilan 2019-yil 21-iyulda tasdiqlangan kelishuvni buzishga qaror qilgani Isroil davlatining xorijda xizmat qiluvchi elchilariga bir tomonlama majburiyatlar yuklab, yangi topshiriqlar berishi avvalgi shartlarda hamda bir necha o‘n yildan beri mavjud bo‘lib kelgan qoidalarni buzgani sabab biz elchixona yopilganini e’lon qilamiz”, — deyiladi diplomatik vakolatxonaning bayonotida. Elchixona Isroil vaqti bilan soat 01:00 da yopiladi.
Isroilning Moskvadagi elchixonasi matbuot xizmati ham ushbu qarorning chiqarilishiga Moliya vazirligi sabab bo‘lganligini bildirdi. Diplomatlar elchixonalarning yopilishi vakolatxonalar va konsulliklarning xizmatlariga ehtiyoji bor fuqarolarning kunlik ishiga zarar yetkazadi. Ushbu qo‘zg‘alon qancha vaqt davom etishi noma’lumligicha qolmoqda.
Moliyaviy cheklovlar sabab Isroilning boshqa dunyo davlatlaridagi Germaniya, AQSh, Fransiya, Hindiston, Ukraina, Avstraliyadagi elchixonalari ham yopildi.
Times of Israel mahalliy nashrining yozishicha, muammo diplomatik vakolatxonalar xodimlarining maoshi kamaytirilganida. Moliyalashtirish mablag‘larida elchixona rezidensiyalarida turli tadbirlar o‘tkazishdan tortib transport uchun to‘lovlargacha ko‘zda tutilgan. Isroil g‘aznachiligi ushbu mablag‘larni qaytarish usulini va soliq solishni taklif etdi. Dastur muddatidan oldin amalga kiritilgan. Shu sababli konsullik va elchixonalar xodimlari kamida ming AQSh dollariga teng bo‘lgan qarzdorlikni yopishlari talab etilmoqda.
Shuningdek, nashr isroillik diplomat va attashelar anchadan buyon oylik maoshlarining kamligidan shikoyat qilib kelishini qayd etgan. Ular bir necha yildan beri ushbu muammo sabab norozilik bildirib keladi. Nashr 2011-yilda diplomatlarning Rossiya prezidenti bo‘lgan Dmitriy Medvedovning safarini to‘xtatib qo‘yganligini eslatgan. Elchilar sakkiz yil avval ham ushbu yo‘l bilan maoshlarining oshirilishi va mehnat sharoitlarining yaxshilanishini talab qilgan.
Ushbu qo‘zg‘alonlardan keyin 2011-yilda TIV xodimlarining kasaba uyushmasi Moliya vazirligi bilan Tashqi ishlar vazirligining 900 nafar diplomat va ma’muriy xodimining maoshi oshirilishini kelishib olgan.
Izoh (0)