29-oktabrdan 30-oktabrga o‘tar kechasi Mo‘g‘uliston politsiyasi mamlakat hududidagi 750 nafar Xitoy xalq respublikasining fuqarosini hibsga oldi. Bu haqda Regnum xabar berdi.
Bosh razvedka boshqarmasi, Mo‘g‘uliston razvedkasi va politsiya jami 4 ta mehmonxona hududida qo‘shma reydlar o‘tkazgan va ularda asosan Xitoy fuqarolari hibsga olingan.
Mehmonxonada qo‘lga olingan xorijliklar 1000 dan ortiq yuqori ishlab chiqarish tezligiga ega kompyuterlar hamda 10 mingta mobil telefon yordamida kiberjinoyatlar sodir etganlikda ayblanmoqda.
Rasmiy manbalar ham 30-oktabrga o‘tar kechasi xitoylik xakerlar qo‘lga olinganini tasdiqlagan. Xitoyning Mo‘g‘ulistondagi elchixonasi ham ushbu xabarga rasmiy munosabat bildirgan.
“30-oktabrda Mo‘g‘uliston politsiya boshqarmasi XXR elchixonasini xitoylik fuqarolarning kiberjinoyatlar bilan shug‘ullanayotgani sabab hibsga olingani haqida ogohlantirgan. Boshqarma mamlakatdagi qonunlar doirasida ish ko‘rmoqda. Mo‘g‘uliston va Xitoy bu borada o‘zaro hamkorlik qiladi”, — deyilgan Mo‘g‘ulistondagi XXR elchixonasi bayonotida.
Izoh (0)