Kanada bosh vaziri Jastin Tryudo yetakchiligida hukmron Liberal partiya mamlakatda o‘tkazilgan parlament saylovlarida g‘olib chiqdi. Bu haqda “TASS” xabar bermoqda.
Shu bilan birga, liberallar parlament Vakillar palatasida mutlaq ko‘pchilik o‘rin ololmadi. Hukumatni o‘zlari shakllantirishi uchun liberallarga 170 ta mandat zarur edi, biroq bu maqsadga erishish uchun ularga 14 ta saylov okrugida g‘alaba yetmadi.
Milliy saylov komissiyasining oxirgi ma’lumotlariga ko‘ra, liberallar 338 ta saylov okrugidan 156 tasida ustun keldi. Keyingi o‘rinlarda Konservativ partiya (122 okrug) va Kvebek bloki (32) qayd etildi.
Izoh (0)