Канада бош вазири Жастин Трюдо етакчилигида ҳукмрон Либерал партия мамлакатда ўтказилган парламент сайловларида ғолиб чиқди. Бу ҳақда «ТАСС» хабар бермоқда.
Шу билан бирга, либераллар парламент Вакиллар палатасида мутлақ кўпчилик ўрин ололмади. Ҳукуматни ўзлари шакллантириши учун либералларга 170 та мандат зарур эди, бироқ бу мақсадга эришиш учун уларга 14 та сайлов округида ғалаба етмади.
Миллий сайлов комиссиясининг охирги маълумотларига кўра, либераллар 338 та сайлов округидан 156 тасида устун келди. Кейинги ўринларда Консерватив партия (122 округ) ва Квебек блоки (32) қайд этилди.
Изоҳ (0)